அயோத்தி ராமரை தரிசித்த பலனை பெற வேண்டுமா? ஜனவரி 22 அன்று சென்னையில் உள்ள இந்த கோவில்களுக்கு போங்க



அயோத்தி ராமரின் அருளை பெற :நாடே ஆவலாக எதிர்பார்த்து காத்திருந்த அயோத்தி ராமர் கோவில் திறப்பு விழா ஜனவரி 22ம் தேதியான இன்று பகல் 12.30 மணியளவில் நடைபெற உள்ளது. இந்த பிரம்மாண்ட கோவிலின் திறப்பு விழாவை நேரில் சென்று காண வேண்டும் என்ற ஆசை அனைவருக்கும் இருக்கும். ஆனால் பாதுகாப்பு உள்ளிட்ட பலவிதமான காரணங்களால் அனைவராலும் இன்று அயோத்திக்கு சென்று ராமரை தரிசிக்கும் வாய்ப்பு கிடைக்கவில்லை. இருந்தாலும் ராமரின் அருளை இந்த நாளில் பெற வேண்டும் என பலரும் பூஜைகள், வழிபாடுகள், இன்னும் வேறு என்ன செய்யலாம் என சிந்தித்துக் கொண்டிருக்கிறார்கள்.​சென்னைவாசிகள் ராமரின் அருளை பெற :இந்த புனிதமான நாளில் அனைவரும் ராமரின் அருளை பெறுவதற்கு வழி உள்ளது. தங்கள் பகுதிகளில் உள்ள ராமர் கோவிலுக்கு சென்று அங்கு நடக்கும் சிறப்பு பூஜையில் கலந்து கொண்டு, அயோத்தி ராமரின் அருளை பெறலாம். தமிழகத்தில் உள்ள பக்தர்கள் வாய்ப்பு இருந்தால் சென்னையில் உள்ள இந்த குறிப்பிட்ட கோவில்களுக்கு சென்று வழிபட்டால் அயோத்தி சென்று ராமரை தரிசித்த பலனை பெற முடியும். ஜனவரி 22ம் தேதி அயோத்தி ராமர் கோவில் கும்பாபிஷேகத்தன்று சென்னையில் உள்ளவர்கள் எந்த கோவிலுக்கு சென்றால் புண்ணிய பலன் கிடைக்கும் என்பதை வாங்க தெரிஞ்சுக்கலாம்.வேளச்சேரி ஆஞ்சநேயர் கோவில் :வேளச்சேரியில் உள்ள ராகிகுட்டா ஆஞ்சநேயர் கோவில், ராம பக்தர் அனுமனுக்காக ஏற்படுத்தப்பட்ட கோவிலாகும். இங்கு ஸ்ரீராமருக்கு தனி சன்னதி உள்ளது. இங்குள்ள அமைதியான, தெய்வீகமாக சூழல் இங்கு செல்லும் பக்தர்கள் அனைவருக்கும் ராமர் – சீதையின் அருகிலேயே இருந்த உணர்வை தரும்.சென்னை இஸ்கான் கோவில் :சென்னை ஈஞ்சம்பாக்கத்தில் அமைந்துள்ள இஸ்கான் கோவில், கிருஷ்ணரை பிரதான தெய்வமாக கொண்ட கோவிலாக இருந்தாலும் இங்கு ராமருக்கு தனி சன்னதி உள்ளது. இந்த கோவிலுக்குள் சென்றதுமே தெய்வீக அதிர்வலைகளை உணர முடியும். இது ராமர்-சீதையுடன் பக்தர்களுக்கு இனம்புரியாத தெய்வீக பந்தத்தை ஏற்படுத்தி விடுவதுடன், இறை அன்பை அனுபவித்த உணர்வையும் தரக் கூடியது.​அயோத்தி ராமர் கோவில் கும்பாபிஷேகத்தில் கலந்து கொண்ட பலனை வீட்டில் இருந்தே பெற வேண்டுமா? இதோ வழி இருக்கு​நங்கநல்லூர் ஆஞ்சநேயர் கோவில் :நங்கநல்லூரில் உள்ள ஆஞ்சநேயர் கோவிலில் 32 அடி உயர சிலையாக அனுமான் காட்சி தருகிறார். இங்குள்ள ராமரை தரிசிக்கவும் ஏராளமான பக்தர்கள் வருவதுண்டு. இங்கு ஏராளமான ராம பக்தர்களும், அனுமான் பக்தர்களும் வந்து வழிபடுவதுண்டு. சென்னையில் புகழ்பெற்ற கோவில்களில் ஒன்றான இக்கோவில் மிகவும் சக்தி வாய்ந்ததாகும்.சைதாப்பேட்டை கோதண்டராமர் கோவில் :சைதாப்பேட்டையின் மையப்பகுதியில் அமைந்துள்ளது கோதண்டராமர் கோவில். கையில் வில் ஏந்தி, நின்ற கோலத்தில் ராமர் அருள் செய்யும் கோவிலாகும். இங்கு ராமர், சீதை, லட்சுமணர் இணைந்த கோலத்தில் காட்சி தருவதால் ஒரே நேரத்தில் மூன்று பேரின் தெய்வீக அருளை பெற முடியும். திராவிட கட்டிடக்கலை அமைப்பில் கட்டப்பட்ட இக்கோவில் பக்தர்கள் அதிகம் வந்து வழிபட்டு செல்லும் கோவிலாக உள்ளது. இங்குள்ள ராமரிடம் செல்வவளம் பெறவும், வாழ்க்கை செழிப்பாகவும் பக்தர்கள் பலர் வேண்டிக் கொள்கிறார்கள்.ராமாபுரம் ஆஞ்சநேயர் கோவில் :ராமாபுரத்தின் புறநகர் பகுதியில் அமைந்துள்ளது ஆஞ்சநேயர் கோவில். தீவிர ராம பக்தரான அனுமனை ஏராளமான பக்தர்கள் இங்கு வந்து வழிபட்டு செல்கிறார்கள்.இங்குள்ள அமைதியான சூழல், தெய்வீக உணர்வு ஆகியன பக்தர்களை மீண்டும் மீண்டும் இக்கோவிலுக்கு வர வைக்கிறது. ராமாபுரத்தில் உள்ள மிக முக்கியமான இடங்களில் ஒன்றாக இருக்கும் இக்கோவிலில் நடைபெறும் திருவிழாக்களும், வழிபாடுகளும் அனைவரையும் ஈர்க்கக் கூடியதாகும்.மைலாப்பூர் ராமகிருஷ்ணா மிஷன் கோவில் :மைலாப்பூரில் உள்ள ராமகிருஷ்ணா மிஷன் கோவில் என்பது வெறும் ஆன்மிக பாடங்களை கற்றுத் தரும் இடம் மட்டும் கிடையாது. இது ராமருக்குரிய மிக முக்கியமான வழிபாட்டு தலமாகும். இங்குள்ள அமைதி, தெய்வீக தன்மை தன்மை வழிபடுவதற்கு மட்டுமல்ல, தியானம் செய்வதற்கும் மிகவும் ஏற்ற இடமாகும். ராமகிருஷ்ணரின் போதனைகளை கேட்பதற்காகவும், ராமரை வழிபட்டு தெய்வீக அருளை பெறுவதற்காகவும் இங்கு ஏராளமான பக்தர்கள் வருவதுண்டு.​பெரம்பூர் கோதண்டராமர் கோவில் :பெரம்பூரின் முக்கிய பகுதியில் அமைந்துள்ள கோதண்ட ராமர் கோவில் பக்தர்களிடன் மிகவும் பிரபலம். ராமர் – சீதைக்காக அர்ப்பணிக்கப்பட்ட இக்கோவிலின் சுவர்களில் ராமரின் வாழ்க்கையை விளக்கும் அற்புதன காட்சிகளை காண முடியும். இந்த கோவிலுக்கு வந்து ராமர் – சீதையை வழிபட்டால் மகிழ்ச்சி, செல்வ வளம், குடும்ப நலன் ஆகியவை கிடைப்பதாக பக்தர்கள் கூறுவதுண்டு.வடபழநி முருகன் கோவில் :வடபழநி முருகன் கோவில் அல்லது வடபழநி ஆண்டவர் கோவிலில் ராமருக்கு தனி சன்னதி அமைக்கப்பட்டுள்ளது. இந்த கோவிலில் இந்து புராணங்களை விளக்கும் சிற்பங்களும், ஓவியங்களையும் காண முடியும். இந்து கோவிலுக்கு வருபவர்கள் முருகப் பெருமானுடன், ராமரையும் தரிசித்து அருளை பெறும் வாய்ப்பு கிடைக்கிறது. திருவிழா காலங்கள் மட்டுமின்றி சாதாரண நாட்களிலும் ஏராளமான பக்தர்கள் சென்னை மட்டுமின்றி சென்னையை சுற்றி பல பகுதிகளிலும் இருந்து வந்து இங்கு வந்து வழிபட்டு செல்கின்றனர்.

No comments

Leave a Reply