உலகின் முதல் ஓம் வடிவ கோவில்…1008 சிவ வடிவங்கள் கொண்ட கோவில் பற்றி தெரியுமா ?



ஓம் வடிவ கோவில் :அயோத்தியில் பக்தர்களின் பல ஆண்டுகால காத்திருப்பிற்கு பிறகு ராமர் கோவில் கடந்த மாதம் திறக்கப்பட்டது. இதைத் தொடர்ந்து உலகம் முழுவதிலும் உள்ள சிவ பக்தர்கள் கொண்டாடும் வகையில் மிக பிரம்மாண்டமான சிவன் கோவில் பிப்ரவரி 10ம் தேதியான நாளை திறக்கப்பட உள்ளது. உலகின் முதல் “ஓம்” வடிவ கோவில் என்ற பெருமையுடன் இந்த சிவன் கோவில் திறக்கப்பட உள்ளது. ராஜஸ்தான் மாநிலம் ஜதன் என்ற கிராமத்தில் கிட்டதட்ட 27 ஆண்டுகளாக இக்கோவில் கட்டப்பட்டு வருகிறது. இந்த கோவிலுக்கு 1995ம் ஆண்டு அடிக்கல் நாட்டப்பட்டு, கோவில் கட்டும் பணி நடந்து முடிந்துள்ளது.இந்து மதத்தை பொறுத்த வரை ஓம் என்பது மகா மந்திரமாக கருதப்படுகிறது. பிரணவ மந்திரம் என சொல்லப்படும் ஓம் படைத்தல், காத்தல், அழித்தல் ஆகிய மூன்று தொழில்களை உள்ளடக்கியதாகும். பிரம்மா, விஷ்ணு, சிவன் ஆகியோர் இணைந்த வடிவமே ஓம் என கருதப்படுகிறது. ஓம் காரத்தை அடிப்படையாகக் கொண்டு ஓம் வடிவில் கட்டப்பட்டுள்ள இந்த கோவில் 250 ஏக்கர் பரப்பளவில் பரந்து விரிந்துள்ளது. இந்த கோவில் பற்றிய ஒவ்வொரு தகவல்களும் அனைவரையும் ஆச்சரியப்படுத்துவதாக அமைந்துள்ளது.1008 சிவ ரூபங்கள் :இந்த பிரம்மாண்ட சிவன் கோவிலில் 1008 சிவ வடிவங்கள் அல்லது சிவன் சிலைகள், 12 ஜோதிர்லிங்கங்கள் அமைக்கப்பட்டுள்ளன. இந்த கோவிலின் மேற்புறத்தில் தோல்புரின் பன்சி மலையில் இருந்து கொண்டு வரப்பட்ட ஸ்படி லிங்கமம் ஒன்ற அமைக்கப்பட்டுள்ளது. இரண்டு லட்சம் டன் கொள்ளளவு கொண்ட தண்ணீர் தொட்டி இந்த கோவில் கட்டுவதற்காக பயன்படுத்தப்பட்டுள்ளது. விஸ்வ குரு மகா மண்டலிஸ்வர் பரமஹன்சா சுவாமி மகேஸ்வர நந்த புரிஜி மகாராஜ் இந்த ஓம் ஆலயத்தை உருவாக்கி உள்ளார்.ஓம் வடிவ சிவன் கோவின் நான்கு பகுதிகளாக பிரிக்கப்பட்டுள்ளது. ஒரு கீழ் தளமும், மூன்ற மேல் தளங்களையும் கொண்டதாக இந்த கோவில் அமைக்கப்பட்டுள்ளது. கோவிலின் மத்தியில் சுவாமி மாதவானந்தாவின் நினைவிடம் அமைக்கப்பட்டுள்ளது. இதை சுற்றிலும் சப்த ரிஷிகளின் சிலைகளும் நிறுவப்பட்டுள்ளன. 135 அடி உயரம் கொண்ட இக்கோவிலில் 2000 தூண்கள், 108 அறைகள் உள்ளன. கோவிலின் மேற்பகுதியில் சிவலிங்கம் பிரதிஷ்டை செய்யப்பட்டுள்ளது. இவற்றில் கருவறை அமைந்துள்ள மண்டபத்தை சுற்றி அமைக்கப்பட்டுள்ள 200 தூண்களில் பல்வேறு இந்து கடவுள்களின் வடிவங்களை தரிசிக்க முடியும்.சிவன் கோவில் தவிர ஸ்ரீ மாதவானந்தா யோகா பல்கலைக்கழகமும் ஜதன் ஆசிமத்தில் அமைக்கப்பட்டுள்ளது. இதுவும் நாட்டிலேயே தனித்துவம் வாய்ந்ததாக ஓம் வடிவில் அமைக்கப்பட்டுள்ளது. இந்த நான்கு அடுக்கு கொண்ட கோவில் தளத்தில் பள்ளிகள், கல்லூரிகள் ஆகியவையும் அமைக்கப்பட்டுள்ள. விஸ்வதீப் குருக்கள் டிரஸ்டால் இந்த பிரம்மாண்ட கோவில் கட்டப்பட்டுள்ளது. பன்சி மலையில் இருந்து எடுத்து வரப்பட்ட கற்களே இந்த கோவில் கட்டுமானத்திற்கு பயன்படுத்தப்பட்டுள்ளது மற்றொரு தனிச்சிறப்பு வாய்ந்த அம்சமாகும்.

No comments

Leave a Reply