சொர்க்கவாசல் இல்லாத பெருமாள் கோவில்கள் பற்றி தெரியுமா ?



சொர்க்கவாசல் இல்லாத பெருமாள் கோவில்கள் :பெருமாள் கோவில் என்றால் அங்கு கண்டிப்பாக சொர்க்கவாசல் எனப்படும் பரமபத வாசல் இருக்கும். வைகுண்ட ஏகாதசி அன்று சொர்க்கவாசல் திறக்கும் நிகழ்வு கண்டிப்பாக இருக்கும் என்று தான் அனைவரும் நினைத்துக் கொண்டிருக்கிறோம். ஆனால் சொர்க்கவாசலே இல்லாத பெருமாள் நம்முடைய தமிழகத்தில் ஒன்று அல்ல, பல கோவில்கள் உள்ளது என்றால் நம்ப முடிகிறதா? உண்மை தான். இந்த கோவில்களில் வைகுண்ட ஏகாதசி தினத்தன்று சொர்க்கவாசல் திறக்கப்படும் நிகழ்வு நடைபெறாது. அப்படி எந்தெந்த பெருமாள் கோவில்களில் சொர்க்கவாசலே கிடையாது என்பதை இங்கு தெரிந்து கொள்ளலாம்.1. 108 திவ்யதேச கோவில்களில் ஒன்றான கும்பகோணம் ஸ்ரீ சாரங்கபாணி ஆலயத்தில் பெருமாள் நேரடியாக வைகுண்டத்தில் இருந்து மகாலட்சுமியின் அவதாரமான கோமளவல்லியை மணம் முடிப்பதற்காக இங்கு வந்ததாக ஐதீகம். வைகுண்டத்தில் தான் எழுந்தருளி இருக்கும் ரதத்துடனேயே இங்கு வந்து காட்சி தருவதால் இவரை வணங்கினாலே சொர்க்கத்தை அடைந்து விடலாம் என்பதால் இந்த கோவிலில் சொர்க்கவாசல் கிடையாது. அது மட்டுமல்ல இக்கோவிலில் உள்ள உத்திராயண, தட்சிணாயன வாசலை கடந்து சென்று பெருமாளை தரிசித்தாலே சொர்க்கம் கிடைத்து விடும் என்பது ம்பிக்கை. தை முதல் ஆனி வரை உத்திராயண வாசலும், ஆடி முதல் மார்கழி வரை தட்சிணாயன வாசலுக்கு திறந்திருக்கும். ஏதாவது ஒரு வாசல் தான் இங்கு திறந்திருக்கும்.2. காஞ்சிபுரம் பரமேஸ்வர விண்ணகரம் என்னும் ஸ்ரீ பரமபதநாதப் பெருமாள் கோவிலிலும் சொர்க்கவாசல் கிடையாது. இந்த ஆலத்தில் மூலவர் பெயரே வைகுண்டப் பெருமாள் என்பது தான். இந்த பெருமாளுக்கு பரமபதநாதன் என்ற திருநாமமும் உண்டு. இவரை தரிசித்தாலே சொர்க்கம் கிடைக்கும் என்பது ஐதீகம்.ஸ்ரீரங்கம் வைகுண்ட ஏகாதசி சொர்க்கவாசல் திறப்பு : ஸ்ரீரங்கா…கோவிந்தா…முழக்கத்துடன் பக்தர்கள் தரிசனம்3. ஸ்ரீபெரும்புதூர் ஆதிகேசவப் பெருமாள் ஆலயத்திலும் சொர்க்கவாசல் கிடையாது. ராமானுஜர் அவதரித்த தலம் என்பதால் ஸ்ரீபெரும்புதூர் நித்ய சொர்க்கவாசல் தலமாக கருதப்படுகிறது. வைகுண்ட ஏகாதசியன்று ஆதிகேசவப் பெருமாளும், ராமானுஜரும் பூதக்கால் மண்டபத்தில் எழுந்தருளும் போது சொர்க்கவாசல் திறக்கப்படுவது போது மணியால் ஆன கதவுகள் திறக்கப்படும்.4. திருக்கண்ணபுரம் ஸ்ரீசெளரிராஜபெருமாள் ஆலயத்திலும் சொர்க்கவாசல் கிடையாது. இக்கோவில் பூலோகத்து விண்ணகரம் என்பதால் இந்த கோவிலில் பரமபத வாசல் கிடையாது. இந்த கோவிலே பரமபதமாக கருதப்படுவதால் மற்ற பெருமாள் கோவில்களைப் போல் இங்கு சொர்க்கவாசல் கிடையாது.5. திருச்சி அருகே உள்ள திருவெள்ளறை புண்டரீகாக்ஷப் பெருமாள் கோவிலிலும் சொர்க்கவாசல் கிடையாது. ஸ்ரீதேவியை மணம் முடிப்பதற்காக பெருமாள் வைகுண்டத்தில் இருந்து நேராக இங்கு வந்த விட்டதால் இக்கோவில் பூலோக வைகுண்டமாக கருதப்படுகிறது. இவரை வணங்கினால் முக்தி கிடைக்கும். கும்பகோணம் சாரங்கபாணி கோவிலைப் போன்று இங்கும் தட்சிணாயன வாசல், உத்திராயண வாசல் என இரண்டு வாசல்கள் உள்ளது.

No comments

Leave a Reply