பத்மநாப சுவாமி கோவிலில் திறக்கப்படாத 6 வது அறைக்கு பின்னால் இருக்கும் மர்மம்



​பத்மநாபசுவாமி கோவில் :​கேரளாவின் திருவனந்தபுரத்தில் அமைந்துள்ளது மிகப் பழமையான பத்மநாப சுவாமி கோவில். இக்கோவில் கி.மு.500 ல் கட்டப்பட்டதாக சொல்லப்படுகிறது. இக்கோவிலின் பிரதான தெய்வமாக மகாவிஷ்ணு போற்றப்படுகிறார். இக்கோவில் கேரளா மற்றும் திராவிட கட்டிடக் கலை இரண்டும் கலந்ததாக அமைக்கப்பட்டதாகும். இக்கோவில் மகாவிஷ்ணுவின் 108 திவ்யதேசங்களில் ஒன்றாக போற்றப்படுகிறது. திவ்ய தேசங்களிலேயே மிகவும் புண்ணியம் வாய்ந்ததாகவும், விஷ்ணு குடிகொண்டிருக்கும் கோவில்களில் மிகவும் புனித தலமாகவும் இக்கோவில் சொல்லப்படுகிறது.​பணக்கார கோவில் :ஆழ்வார்களால் பாடப்பட்ட திவ்ய தேசங்களில் பத்மநாப சுவாமி கோவிலும் ஒன்று. இக்கோவில் அனந்த பத்மநாப சுவாமி கோவில் என்றும் அழைக்கப்படுகிறது. இவரின் பெயராலேயே இந்த ஊர் திருவனந்தபுரம் (திரு+அனந்த+புரம்) என அழைக்கப்படுகிறது. பாம்பின் மீது சயனித்த கோலத்தில் பத்மநாப சுவாமி காட்சி தருகிறார். மூலவரின் திருமேனி 18 அடி நீளத்தில் சாளகிராமத்தால் ஆனதாகும். பத்மநாபசுவாமி கோவில் தான் உலகிலேயே பணக்கார கோவிலாக விளங்குகிறது. இந்த கோவிலின் சொத்து மதிப்பு என்ன என்பது சரியாக இதுவரை யாருக்கும் தெரியாது. இந்த கோவிலில் திறக்கப்படாமல் இருக்கும் 6வது ரகசிய அறைக்கு பின்னால் இருக்கும் மர்மம் பற்றியும், பலரும் அறியாத அரிய தகவல்களையும் இங்கு பார்க்கலாம்.​திறக்கப்படாத 6வது அறையின் மர்மம் :* பத்மநாபசுவாமி கோவிலில் உள்ள பொக்கிஷங்கள் வைக்கப்பட்டுள்ள ரகசிய அறைகள் பற்றி பல காலமாக பல கதைகள் சொல்லப்பட்டு வருகிறது. இந்த கோவில் திருவிதாங்கூர் அரச குடும்பத்தினரால் நிர்வகிக்கப்பட்டு வருகிறது. இந்த கோவிலின் சொத்துக்களை மதிப்பீடு செய்வதற்காக சுப்ரீம் கோர்ட்டால் 5 பேர் கொண்ட குழு அமைக்கப்பட்டது. இக்கோவிலில் மொத்தம் 6 ரகசிய அறைகள் உள்ளன. சுப்ரீம் கோர்ட் தலையிட்ட பிறகு தான் இக்கோவிலில் உள்ள ரகசிய அறைகள் பற்றியும், அதில் பாதுகாக்கப்பட்டு வரும் விலைமதிப்பற்ற ஆபரணங்கள் பற்றியும் அனைவருக்கும் தெரிய வந்தது. அந்த குழு அளித்த முதல் அறிக்கையின் படி பத்மநாப சுவாமி கோவிலின் சொத்து மதிப்பு ஒரு லட்சம் கோடி ரூபாய் ஆகும்.* பத்மநாபசுவாமி கோவிலில் ஏ முதல் எஃப் வரை மொத்தம் 6 அறைகள் உள்ளன. இந்த அறைகள் பூமிக்கு அடியில் 5 அடி ஆழத்தில் உள்ளன. இதுவரை 1990 ம் ஆண்டில் 2 முறையும், 2002ம் ஆண்டு 5 முறைகளும் மட்டுமே இந்த ரகசிய பெட்டகங்கள் திறக்கப்பட்டுள்ளன. ஆனால் இவற்றில் பி அறை மட்டும் இதுவரை திறக்கப்பட்டது கிடையாது. இப்போது வரை இதற்கு பின்னால் இருக்கும் மர்மம் விலகாமல் உள்ளது.* இதுவரை திறக்கப்பட்ட 5 அறைகளில் ஆயிரம் ஆண்டுகளுக்கு முந்தைய தங்க காசுகள் உள்ளன. அதாவது 1700 தங்க காசுகள் உள்ளன. இவை 7 கிலோ மதிப்புடையதாகும். இது தவிர நெப்போலியன் ஆட்சி காலத்தில் பயன்படுத்தப்பட்ட 18 தங்க நாணயங்களும் இதில் உள்ளன. விலைமதிப்பற்ற கற்கள் பட்டுத்துணியில் சுற்றி வைக்கப்பட்டுள்ளது. இது தவிர 1000 கிலோ தங்கம், நாணய வடிவில் உள்ளன.​vishnu sahasranamam lyrics விஷ்ணு சகஸ்ரநாமம் : கேட்டது அனைத்தையும் தரும் மகா புண்ணிய ஸ்லோகம்​பாம்புகளால் பாதுகாக்கப்படும் பி அறை :* ஏ அறையில் 2.5 கிலோ தங்கத்தால் ஆன 9 அடி உயர தங்க நெக்லெஸ், தங்க பதக்கம், தங்க பூணால், வேலைப்பாடுகள் நிறைந்த பலவிதமான தங்க, வைர நகைகள் உள்ளன. இந்த ஆபரணங்கள் முழுவதும் பண்டைய கால பெட்டிகள், மண் பானைகள், செப்பு குடங்கள் உள்ளிட்டவற்றில் வைக்கப்பட்டுள்ளன.* சிறிய தங்கத்தால் ஆன யானை, மூன்றரை அடி உயர மகா விஷ்ணு சிலை உள்ளது. இந்த சிலை முற்றிலும் தங்கம், வைரம், ரூபி கற்றகளாலும், நூற்றுக்கணக்கான விலைமதிப்பற்ற கற்களாலும் ஆனதாகும். 1772 சவரன் நகைகள் கார்த்திகதிருநல் ராம வர்மா மன்னனின் ராஜ முத்திரை பதிக்கப்பட்டதாக உள்ளன.* A மற்றும் B அறைகளில் விலை மதிப்பற்றி தங்க, வைர ஆபரணங்கள் இருப்பதாகவும், C மற்றும் D அறைகளில் தங்கம் மற்றும் வெள்ளி நகைகளும், E மற்றும் F அறைகளில் கோவில் சடங்குகளுக்கு தேவையான பாத்திரங்கள் உள்ளிட்ட பொருட்கள் இருப்பதாகவும் சொல்லப்படுகிறது.* மர்மங்கள் நிறைந்து, இதுவரை திறக்கப்படாமல் இருக்கும் பி அறையின் சுவர் தங்கத்தால் ஆனதாக சொல்லப்படுகிறது. இந்த அறையை திறப்பதற்கு திருவிதாங்கூர் மன்னர் குடும்பத்தினர் அனுமதி வழங்க மறுத்து விட்டனர். இந்த அறையை திறந்தால் கடவுளின் கோபத்திற்கு ஆளாக வேண்டி வருவதாகவும், நாடே பெரும் சாபத்திற்கு ஆளாக வேண்டி வருவதாகவும் சொல்லப்படுகிறது. பி அறை மிகவும் பத்திரமாக பாதுகாக்கப்படுவதாக சொல்லப்படுகிறது. இந்த அறைக்கு செல்லும் வழியில் இரண்டு பெரிய பாம்புகள் செதுக்கப்பட்டுள்ளன. யாரும் இதற்கு அருகில் வரக் கூடாது என்பதை எச்சரிக்கும் அடையாளங்கள் ஆகும் .சாபத்தால் மூடப்பட்டுள்ள மர்ம அறை :* இந்த பி அறை, மன்னர் மார்த்தாண்ட வர்மன் காலத்தில் தலைசிறந்த வேத மந்திரங்கள் தெரிந்த புரோகிதர்களால் நாக பாச மந்திரங்கள் ஓதி பாதுகாக்கப்பட்டு, மூடி வைக்கப்பட்டதாக சொல்லப்படுகிறது. தலைசிறந்த புரோகிதர்களின் உதவியுடன் சக்தி வாய்ந்த மந்திரங்கள் ஓதி மட்டுமே இந்த சாபத்தை நீக்க முடியும் என சொல்லப்படுகிறது. சாபத்தின் காரணமாகவே இந்த அறையின் கதவு மூடப்பட்டுள்ளதாக சொல்லப்படுகிறது.* 1930 ம் ஆண்டு இந்த ரகசிய அறைகள் பற்றியும், பி அறையில் இருக்கும் சாபம் பற்றியும் பல சந்தேகக் கேள்விகள் எழுப்பப்பட்டது. அப்போது சந்தேகக்காரர்கள் சிலர் பி அறையை உடைத்து திறக்க முயன்றுள்ளனர். ஆனால் அவர்கள் மர்மமான முறையில் பாம்புகளால் தாக்கப்பட்டதாகவும், பிறகு அந்த பாம்புகள் எங்கு போயின என தெரியவில்லை என்றும் சொல்லப்படுகிறது.​ஸ்ரீரங்கம் வைகுண்ட ஏகாதசி விழா 2023.. 22 நாட்கள் நடப்பதற்கான காரணமும், சிறப்புகளும்​மர்ம கதவை திறந்தால் உலகம் அழியுமா?*தற்போது பத்மநாபசுவாமி கோவில் ரகசிய அறைகளை திறக்க வேண்டும் என சுப்ரீம் கோட்டில் மனு அளித்த சுந்தர்ராஜன், இந்த ரகசிய அறைகள் திறக்கப்பட்ட ஒரு மாதத்திற்கு பிறகு மர்மமான முறையில் உயிரிழந்தார். இந்த அறைகள் திறக்கப்படுவதற்கு காரணமாக இருந்த மற்றொருவரின் தாய் இறந்து போனார். இந்த சம்பவங்கள், அந்த அறைக்கு இருக்கும் சாபம் உண்மை தானோ என்ற ராஜ குடும்பத்தினர் உள்ளிட்டோரின் நம்பிக்கைகளை அதிகரிக்க செய்துள்ளன.* நூறு ஆண்டுகளுக்கு முன் கோவிலின் புரோகிதர்கள் சிலர் இந்த மர்ம அறையின் கதையை திறக்க முயன்றுள்ளனர். இந்த அறையை திறந்தால் நாட்டில் அப்போது இருந்த பஞ்சத்தை தீர்த்து நாட்டை காப்பாற்ற முடியும் என அவர்கள் திறக்க சென்றுள்ளனர். ஆனால் அவர்கள் இந்த அறையை நெருங்கி செல்ல செல்ல கதவுக்கு பின்னால் கடல் அறைகள் ஆக்ரோஷமாக பொங்கும் சத்தம் கேட்டதாக சொல்லப்படுகிறது. இந்த அறையின் கதவு அரபிக் கடலுடன் தொடர்புடையதாக உள்ளதாக புராணங்கள் சொல்கின்றன. இந்த மர்ம அறையின் கதவை திறந்தால் உலகம் அழியும் என்ற நம்பிக்கையும் நிலவுகிறது.

No comments

Leave a Reply