இன்றைய ராசிபலன் – 09 மே 2026 nithyasubam

மேஷம்

மேஷ ராசி அன்பர்களே, இன்று உங்கள் மனம் ஆன்மீக நாட்டத்தில் ஆழ்ந்திருக்கும். நேர்த்திக்கடன்களைச் செலுத்தி, இறைப்பற்றுடன் வழிபடுவீர்கள். குலதெய்வ வழிபாடு குடும்பத்தில் நிலவிய பகையை நீக்கி, சகல நலன்களையும் கொண்டு வந்து சேர்க்கும். தொழில் மற்றும் வியாபாரத்தில் சிறப்பான முன்னேற்றம் காணப்படும். மகிழ்ச்சி இரட்டிப்பாகும் ஒரு நன்னாள் இது.

ரிஷபம்

ரிஷப ராசி நேயர்களுக்கு, இன்று சிந்தனைகளில் ஒருவித சஞ்சலமும், பதற்றமும் ஏற்பட வாய்ப்புள்ளது. புதிய முடிவுகள் எடுப்பதைத் தள்ளிப்போடுவது உத்தமம். உடல் ஆரோக்கியத்தில் கூடுதல் கவனம் செலுத்துங்கள். தொழில் மற்றும் வியாபாரத்தில் மிகுந்த எச்சரிக்கையுடன் செயல்பட வேண்டும். கூடுமானவரை நீண்ட தூரப் பயணங்களைத் தவிர்ப்பது நன்மை பயக்கும்.

மிதுனம்

மிதுன ராசி அன்பர்களே, இன்று உங்களுக்கு எதிர்பாராத தனவரவுகள் காத்திருக்கின்றன. தொழில் மற்றும் வணிகத்தில் எதிர்பாராத நற்பலன்கள் அமையும். இல்லத்தரசிகளுக்கு பொன் பொருள் சேர்க்கை உண்டாகும். வியாபாரத்தில் புதிய முதலீடுகளை மேற்கொள்ளலாம். நீண்ட தூரப் பயணங்களை மேற்கொள்வதற்கு உகந்த நாள். நன்மைகளே பெருகும் சுபதினம் இன்று.

கடகம்

கடக ராசி அன்பர்களே, இன்று நீங்கள் முன்னேற்றப் பாதையில் தெளிவுடன் பயணிப்பீர்கள். உங்களது கடமைகளை உரிய நேரத்தில் செவ்வனே முடித்து, மனநிறைவு அடைவீர்கள். குழப்பமான பிரச்சனைகளுக்குக்கூட ஒரு தெளிவான தீர்வு கிடைக்கும். மனம் அமைதியுடன் விளங்கும். பேச்சாற்றல் மேலோங்கி, நற்பலன்கள் விளைந்து, நலன் சேர்க்கும்.

சிம்மம்

சிம்ம ராசி நேயர்களுக்கு, இன்று மகிழ்ச்சி நிறைந்த நாளாக அமையும். தொழில் மற்றும் வியாபாரத்தில் மிகுந்த சுறுசுறுப்புடன் செயல்படுவீர்கள். நீண்ட நாட்களாக கிடப்பில் போடப்பட்டிருந்த பணிகளை விரைந்து முடிப்பீர்கள். இல்லத்தரசிகளுக்கு பணிச்சுமை சற்று அதிகமாக இருப்பினும், மன நிம்மதி ஒருபோதும் குன்றாது.

கன்னி

கன்னி ராசி அன்பர்களே, இன்று உங்களுக்கு கௌரவம் கூடும் சுபதினமாக அமையும். தலைகுனிந்த இடமெல்லாம் தலை நிமிர்ந்து நடப்பீர்கள். அவமானப்பட்ட நிலை மாறி, உங்களது அவப்பெயர் நீங்கி, நல்ல புகழ் சேரும். எதிரிகளின் தொல்லைகள் விலகி, நிம்மதி காண்பீர்கள். நெடுநாள் போராட்டங்களுக்கு நற்காரியம் கைகூடி, கடவுளின் திருவருள் கிடைக்கும். இந்த நன்னாள் அளித்த இறைவனைத் துதித்து, இன்புறும் நாள்.

துலாம்

துலாம் ராசி அன்பர்களே, இன்று புதிய முதலீடுகளை மேற்கொள்ளலாம். வியாபாரத்தை விரிவுபடுத்தவும், புதிய ஒப்பந்தங்கள் இடவும் உகந்த நாள். வேலையில் சிறப்பான முன்னேற்றம் இருக்கும். உயர் அதிகாரிகளின் ஆதரவைப் பெறுவீர்கள். சம்பள உயர்வு, பதவி உயர்வுடன் இடமாற்றமும் கிட்டும். இன்று நீங்கள் மேற்கொள்ளும் புதிய முயற்சிகள் யாவும் வெற்றியைத் தேடித்தரும்.

விருச்சிகம்

விருச்சிக ராசி நேயர்களுக்கு, இன்று மனதில் அமைதி குடிகொண்டு, தேவையற்ற குழப்பங்கள் நீங்கும். தொழில் மற்றும் வியாபாரத்தில் முழு ஈடுபாட்டுடன் செயல்படுவீர்கள். ஆரோக்கியம் சம்பந்தப்பட்ட பிரச்சனைகள் அகன்று நலம் பெறுவீர்கள். வீண்விரய செலவுகள் குறைந்து, சுப செலவுகள் ஏற்படும்.

தனுசு

தனுசு ராசி அன்பர்களே, இன்று நீங்கள் மிகுந்த கவனத்துடன் செயல்பட வேண்டும். எந்தக் காரியத்திலும் அலட்சியம் கூடாது. கவனக்குறைவாக புதிய பணிகளை கையில் எடுக்க வேண்டாம். உங்களது பொறுப்புகளை அடுத்தவர்களிடம் ஒப்படைப்பதைத் தவிர்க்கவும். சொந்த உடைமைகளைப் பாதுகாப்பதில் எச்சரிக்கை தேவை. பொதுப் போக்குவரத்து மூலம் பயணிக்கையில் கூட்டத்தில் கவனம் செலுத்துவது அவசியம்.

மகரம்

மகர ராசி அன்பர்களே, இன்று உங்களுக்கு சுகபோகங்கள் நிறைந்த இனிய நாளாக அமையும். மனதில் நினைத்த நற்காரியங்கள் யாவும் கைகூடும். நல்ல உணவு, நிம்மதியான உறக்கம் என்று இந்த நாள் இனிமையாக கழியும். மனதிற்குப் பிடித்த நபருடன் நீண்ட நேரம் மகிழ்வுடன் உரையாடி, பொழுதைப் போக்குவீர்கள். காதல் கைகூடி, திருமணத் தடைகள் விலகி, சுபகாரியங்கள் கைகூடும்.

கும்பம்

கும்ப ராசி அன்பர்களே, இன்று சுறுசுறுப்புடன் செயல்பட்டு, நேரத்தை வீணடிக்க மாட்டீர்கள். மிகுந்த ஆர்வத்துடன் காரியங்களை அணுகுவீர்கள். உங்கள் கைகளில் பொறுப்புகள் கூடும் என்பதால், முன்கோபத்தையும், அவசரத்தையும் தவிர்த்து நிதானம் தேவை. மனதை ஒருநிலைப்படுத்திச் செயல்பட்டால், வெற்றி நிரந்தரமாக உங்களுடன் நிலைத்து நிற்கும்.

மீனம்

மீன ராசி அன்பர்களே, இன்று பணம் மற்றும் பிற விஷயங்களில் அதிக கவனம் தேவை. சிறு இழப்புகள் ஏற்பட வாய்ப்புள்ளதால், எச்சரிக்கை அவசியம். முன்கோபத்தையும், உறவுகளுடனான வாக்குவாதங்களையும் தவிர்க்கவும். நிதானமே பிரதானம். அவசரப்பட்டு வார்த்தைகளை விடாதீர்கள். புதிய முடிவுகளை எடுப்பதைத் தள்ளிப்போடுவது சிறப்பு. இன்றைய நாள் முழுதும் நிதானத்தைக் கடைப்பிடிப்பது நன்மை பயக்கும்.