அருள்மிகு கோட்டை மாரியம்மன் திருக்கோவில், சேலம்

தமிழகத்தின் சேலம் மாவட்டத்தில் அமைந்துள்ள அருள்மிகு கோட்டை மாரியம்மன் திருக்கோவில், சக்தி சமயத்தின் மிக முக்கியமான தலங்களில் ஒன்றாகும். இத்தலம் சேலம் நகரின் காவல் தெய்வமாக விளங்குகிறது. பெரிய மாரியம்மன் என்றும் அழைக்கப்படும் இவ்வம்மன், நவக்கிரகங்களுக்கும் நாயகியாகத் திகழ்கிறாள்.

தலம்
சேலம் கோட்டை மாரியம்மன் திருக்கோவில்

அம்மன்/தாயார்
கோட்டை மாரியம்மன் (பெரிய மாரியம்மன்)

தல விருட்சம்
அரச மரம்

தீர்த்தம்
மணிமுத்தாறு (திருமணி முத்தாறு)

ஆகமம்
சக்தி வழிபாடு

பழமை
500 ஆண்டுகளுக்கு மேல்

ஊர்
சேலம்

மாவட்டம்
சேலம்

அருள் வாரி வழங்கும் அம்மையே போற்றிகாவல் தெய்வமாகக் காக்கும் மாரியே போற்றி

சேலம் கோட்டை மாரியம்மன் கோவில் வரலாறு
சுமார் 500 ஆண்டுகளுக்கு முன்பு, சேர நாட்டைச் சேர்ந்த சிற்றரசர்கள் சேலத்தில் கோட்டை அமைத்து ஆட்சி செய்தபோது, இக்கோவிலையும் ஒரு பெருமாள் கோவிலையும் கட்டினர். கோட்டை வீரர்கள் மாரியம்மனை காவல் தெய்வமாக வழிபட்டு வந்தனர். காலப்போக்கில் கோட்டை குடியிருப்புப் பகுதியாக மாறியது. இன்று கோட்டைமேடு என்ற இடம் மட்டுமே அடையாளமாக உள்ளது. 1876-இல் பழைய கோட்டை பட்டக்காரர் பார்வதியம்மாள், முத்துக்குமார பிள்ளை ஆகியோர் தர்ம சத்திரம் கட்டிக் கொடுத்தனர். 1881-இல் கோயில் புதுப்பிக்கப்பட்டது. சேலம் நகரில் உள்ள 8 மாரியம்மன் கோவில்களில் (கோட்டை மாரியம்மன், அம்மாப்பேட்டை மாரியம்மன், செவ்வாய்பேட்டை மாரியம்மன், சஞ்சீவிராயன் பேட்டை மாரியம்மன், சின்னக்கடை வீதி சின்னமாரியம்மன், குகை மாரியம்மன், அன்னதானப்பட்டி மாரியம்மன், பொன்னம்மா பேட்டை மாரியம்மன்) இது முதன்மையானது.
கோட்டை மாரியம்மன் தல சிறப்பு
இத்தலம் தமிழ்நாட்டிலேயே சிறிய கருவறை உள்ள அம்மன் கோயிலாகும். எவ்வளவு பெரிய அந்தஸ்து உள்ளவர்களும் குனிந்து மண்டியிட்டு தலை வணங்கி கும்பிட வேண்டும் என்பதற்காக இவ்வாறு அமைக்கப்பட்டுள்ளது. நைவேத்தியம் படைக்கப்படுவதில்லை; மாறாக அம்பாளுக்கு ஊட்டியே விடப்படுகிறது. வழிபட்டால் கல்யாண பாக்கியம், குழந்தை பாக்கியம் கைகூடும். அம்மன் நோய், கண் சம்பந்தப்பட்ட நோய் நீங்க, திருமணத் தடை, குடும்ப பிரச்சனை நீங்க வேண்டிய பரிகார ஸ்தலம். சேலம் நகரின் காவல் தெய்வமாகவும், 8 பேட்டைகளைக் கட்டியாளும் அன்னையாகவும் விளங்குகிறாள். பூப்போட்டு பார்த்தல்: வெள்ளை, சிவப்பு பூக்களைப் பொட்டலமாகக் கட்டி அம்மனின் திருவடியில் வைத்து ஒன்றை எடுத்துப் பார்த்தால், நினைத்தது நிறைவேறும். கிரகண காலங்களில் கூட கோவில் நடை சாத்தப்படுவதில்லை; சிறப்பு பூஜை நடக்கும்.

கோட்டை மாரியம்மன் கோவில் அமைப்பு
கிழக்கு நோக்கிய 81 அடி உயர ராஜகோபுரம். கருவறை, முன்மண்டபம், பலிபீடம், வெளி பிரகார மண்டபம், கிளி மண்டபம், வசந்த மண்டபம். அம்மன் நான்கு கரங்களுடன்: வலது மேல் கரத்தில் நாகபாசமும் உடுக்கையும், வலது கீழ் கரத்தில் திரிசூலம், இடது மேல் கரத்தில் அங்குசமும் அமுத சின்னமும், இடது கீழ் கரத்தில் கபாலம். இடது காலை மேல் யோகாசனமாய் மடித்து ஈசான திசையை நோக்கி ஆனந்த முகத்துடன் வீற்றிருக்கிறாள். சிரசில் ஜூவாலா கிரீடம், அக்னி கிரீடம் அமைப்பில் நாகம் படம் உள்ளது.

வழிபாடு மற்றும் நன்மைகள்

பூப்போட்டு பார்த்தல்: குடும்ப சிக்கல் தீர, திருமணம் நடைபெற, நோய் தீர, உத்தியோகம் கிடைக்க.
கண்ணடக்கம் சாத்துதல்: கண் நோய் நீங்க பொன், வெள்ளி தகடுகளால் நேர்த்திக்கடன்.
மண் உரு சாத்துதல்: அம்மை நோய் குணமான பின் பொம்மை உருவங்களை சுமந்து வலம்.
உருவாரம் சாத்துதல்: நோய் பாதித்த பகுதியோடு ஒத்த பொம்மை காணிக்கை.
அடியளந்து கொடுத்தல்: வேண்டுதல் நிறைவேற ஒவ்வொரு அடியாக வலம்.
உப்பு மிளகு போடுதல்: குறை நீங்க குங்குமம் கலந்த உப்பை பலிபீடத்தில்.
நன்மைகள்: திருமணம், குழந்தை, நோய் நிவாரணம், குடும்ப சந்தோஷம், செல்வம்.

கோட்டை மாரியம்மன் கோவில் திருவிழாக்கள்
ஆடிப்பெருந்திருவிழா (15-22 நாட்கள்): பூச்சாட்டுதல் (சேலத்தில் உள்ள 7 மாரியம்மன் கோவில்களுக்கும் பூ எடுத்துச் செலுத்துதல்), கம்பம் நடுதல், சக்தி அழைப்பு, சக்தி கரகம், உருளுதண்டம், பொங்கலிடுதல், மகா அபிஷேகம், அலகு குத்துதல், அக்னி கரகம், மாவிளக்கு. ஆடி 18-ஆம் நாள் வெள்ளப்பெருக்கு.

விநாயகர் சதுர்த்தி.
நவராத்திரி.
தீபாவளி.
திருக்கார்த்திகை.
தைப்பொங்கல்.
மகா சிவராத்திரி.
தமிழ் வருட பிறப்பு.
ஆடிபெருக்கு விழா.

கோட்டை மாரியம்மன் கோவில் திறக்கும் நேரம்
அருள்மிகு கோட்டை மாரியம்மன் திருக்கோவில் காலை 06:00 மணி முதல் 11:00 மணி வரை (அல்லது 02:00 மணி வரை சில நாட்களில்), மாலை 04:00 மணி முதல் இரவு 09:00 மணி வரை திறந்திருக்கும்.

கோட்டை மாரியம்மன் கோவிலுக்கு எப்படிச் செல்வது?
சேலம் ஜங்சன் ரெயில் நிலையத்தில் இருந்து 6 கி.மீ., டவுன் ரெயில் நிலையத்தில் இருந்து 1 கி.மீ., ஈரடுக்கு பஸ் நிலையத்தையொட்டி உள்ளது. சேலம் மாநகரில் பழைய பேருந்து நிலையம் அருகே, திருமணிமுத்தாறு ஆற்றங்கரையோரம். பேருந்துகள், ஆட்டோக்கள் மூலம் எளிதில் செல்லலாம்.
கோட்டை மாரியம்மன் கோவில் முகவரி
அருள்மிகு கோட்டை மாரியம்மன் திருக்கோவில்,டவுன் பஸ் ஸ்டாண்ட், சேலம் – 636001,சேலம் மாவட்டம்.
தொலைபேசி: +914272267845.

இதைப் பதிவேற்றியவர்..

Umamaheswari Sivanesan

வணக்கம்! நான் உமா, சென்னையில் வசித்து வருகிறேன். வேதியியல் துறையில் முதுநிலை பட்டம் (M.Sc. Chemistry) பெற்றுள்ளேன், ஆனால் என் உள்ளார்ந்த ஆர்வம் ஆன்மிகம் மற்றும் தமிழ் கலாசாரத்தின் ஆழமான பாரம்பரியத்தில் உள்ளது.

Read full bio →

Follow Us:
https://facebook.com/nithyasubamin
https://nithyasubam.in
https://www.youtube.com/@nithyasubam
href=”https://telegram.me/tamil_astrology_nithyasubam”>https://telegram.me/tamil_astrology_nithyasubam